894 Бардыгы /

Эмдөө үчүн социалдык мобилизациялоо долбоору Жалал-Абад, Кочкор-Ата, Кара-Көл, Таш-Көмүр шаарларында жана Сузак районун да ишке ашырылат.

 “Азыркы учурда көптөгөн ооруларды биз эмдөө менен алдын алабыз. Эмдөөдөн баш тарткандар акыркы 5-6 жылда аябай көбөйүп кетти. Кандайдыр бир ар түркүн себептер менен ата-энелер балдарын эмдетпей коюуда. Эмдөөдөн баш тарткандары үчүн кайрадан балдардын кээ бир оорулары кайрадан кайталанып жатат”-дейт, Г. Маматалиева, Жалал-Абад облустук үй-бүлөлүк медицина борборунун директорунун орун басары.

Бул долбоордун максаты жогоруда каралган жерлердеги үй-бүлөлөрдөн баш тартуу же күмөн саноо категориясынан вакцинация календарына ылайык эмдөө жана активдештирүү алган балдардын санын көбөйтүү.

Бүгүн, 10-сентябрда Жалал-Абадда “Здоровый образ жизни” коомдук фонду эмдөө үчүн социалдык мобилизациялоо долбоору боюнча тегерек стол уюштурду.

Долбоор саламаттыкты сактоо министрлиги менен тыгыз кызматташтыкта ГАВИнин каржылоосу, ЮНИСЕФтин техникалык колдоосу менен иштей баштаган.

“Аймак”