787 Бардыгы /

Жалал-Абад облусунун Сузак районуна караган Барпы айылында таза суу маселеси курч бойдон турат. Жергиликтүүлөр суу маселесин эртерээк чечип беришсе дешет. Анткени мындагылар ичкенге алыс жактан суу ташып, ал эми турмуш-тиричиликке туздуу сууну пайдаланып келишет.

“Менин бул айылга келип жашаганыма 35 жыл болду. Андан берибул айылдан таза суу даамын тата элекмин. Ичүүгө сууну алыстан узун кулак жаныбар (эшек) менен ташытып келебиз. Мындан улам сууну кир жууганда, жуунганда, а түгүл тамак жасоодо да үнөмдөп иштетебиз. Кудурети жеткендер үйлөрүнө суу кампасын куруп, айына 1000 сомдой каражатка сууну сатып алышат.” –дейт айыл тургунуКулпунай Исмаилова.

Тунук бирок шор суу. Колдонууга болбойт, бирок пайдаланууга аргасыз. Өзбекстандан агып келген сууну Барпылыктар кир жууп, идиш жууганга иштетип келишет. Мал кечкен, бир катар жерлердиаралапакканбул шор суунун да кооптуулугу бар дешет. Ал эми ичүүчү сууну 1,5 км аралыктан эшек менен ташып келишет. Элеттиктердин баары эртерээк суу маселесин чечип беришсе дешет.

“Таза суу” департаментинин Жалал-Абад областындагы өкүлү Таалай Долдоевдин айтымындааталган айылга Таза суу долбооруна киргизилип, Ислам өнүктүрүү банкы тарабынан суу жеткирүү маселеси каралган. Документтери даярдалып, Жогорку Кеңешке  жөнөтүлгөн. Иш кечеңдеп жатканына ал жактан ратификация болуп келе электигин жана айыл өкмөт башчысы жердин мамлекеттик актысын даярдап бере албай жатканы жүйөө келтирилүүдө.

Белгилей кетсек,Жалал-Абад облусунда учурда 44 айылга таза суу жетишпейт. Быйылкы жылы 17 айылга суу жеткирүү иштери жүрүүдө. Ал эми Барпы айылындагы көйгөй 2021-жылдан тарта чечилиши мүмкүн. Өлкө башчы аймактарга болгон сапарында таза суу көйгөйүнчечүүнү тапшырыпкелет. Мындан улам өлкөнүн бардык аймактары 2024-жылга чейин таза суу менен камсыз болот деген убадасын берген.

Бүбүсара ОРОЗАЛИЕВА, “Аймак”