2,430 Бардыгы /

ЖАЛАЛ-АБАД. Бүгүн, 6-октябрь күнү саат 10дор чамасында Жалал-Абад шаарынын тургундары эркиндик аянтына  тынчтык митингин өткөрүүгө чогулушту.

Чогулган элдин саны 500гө жетти. Келген эл, болуп өткөн шайлоонун жыйынтыгына нааразычылыктарын билдиришти.

Жалал-Абад шаарынын тынчтык митингинин алып баруучусу  Нуркан Койчуманова мындай деди: “Эл кечээки шайлоого нааразы болгондуктан мына ушул ынкылап келип чыкты, бул да болсо бийликтин өткөн күндөн сабак албаганы, кайра эле ошол катачылык кетиргенинин азабынан мына эми элдик бийлик орноюн деп турат. Канчалык болгон күндө да элдик бийлик деп башына Садыр Жапаровду эл көтөрүп шайлады жана ишеним артты. Демек ар бир аймактагы өкүлдөрү болобу ишеним көрсөтөбүз”.

Ошону менен катар чогулган элге Жалал-Абад облусунун ыйгарым укуктуу өкүлү Н.Мирзахмедов элге чыгып, келген элди тынчтыкка чакырды.

“Мен эл мененмин! Мен ар дайым эл менен болгом дайым эл мененмин. Тынчылык болуш үчүн гана жашашыбыз керек. Биздин облусубузда тынчылык болушу керек. Мен бугун ушул кызматка кызыкканым да жок. Менин ордума ким келет, мен өз ордумда тапшырууга даярмын”,-деди өкүл .

Байканбек Садыков (Аймак)