1,110 Бардыгы /

Канадалык Condor Petroleum компаниясы Бухара облусунун Газли шаарындагы беш газ кенине 1 миллиард доллардан ашык инвестиция салууга даяр.

Бул тууралуу Өзбекстандын Канададагы элчиси Жавлон Вахабов менен канадалык Condor Petroleum Inc. мунайгаз компаниясынын жетекчилеринин онлайн жолугушуусунда белгилүү болду.

Компаниянын директору Дон Стреум Condor Petroleum Газлидеги беш газ кени иликтенип чыкканын, долбоор 2011-2024-жылдары ишке ашарын билдирди.

Канадалык компания бул тармакка заманбап жабдууларды жана технологияларды тартууга даяр.

Condor Petroleum 1994-жылы түзүлүп, Борбор Азия өлкөлөрүндө, Түндүк жана Түштүк Америкада, Индонезияда, Ливияда, Анголада жана Түркияда иштеген. Борбор Азия регионунда сейсмикалык маалыматтарды 3D форматта чогултуу жана кайра иштеп чыгуу боюнча ири жана техникалык жактан өнүккөн программасы бар.

Аны колдонуу менен жалпысынан 1,5 миллиард баррель ресурсу бар 79 мунай кенин чалгындоого мүмкүн болгон.

WWW