951 Бардыгы /

         Таш-Көмүр шаардык ички иштер бөлүмү тарабынан шаар аймагындагы сода түйүндөрүндө кылмыштуулуктун алдын алуу багытында түшүндүрүү иштери жүргүзүлдү.  Бул жайларда орун алган уурулуктарды болтурбоо үчүн ар бир сатуучу кайдыгер карабай,  видео көзөмөл орнотуу зарылдыгы айтылды. Милиция менен шаар тургундары тыгыз кызматташкан учур да бир топ кылмыштарга бөгөт коюлары белгиленди.

         Ошондой эле милиция кызматкерлери шаар тургундарын азыркы учурда кайрадан күч алып жаткан коронавирустан сактанууга чакырышты. Жергиликтүү бийлик өкүлдөрү менен биргеликте санитардык нормалардын сакталуусу көзөмөлгө алынды. Тиешелүү талаптарды аткарбагандарга эскертүүлөр берилип, мындан ары жагдайды тура түшүнүү менен кемчиликтерди калыбына келтирүү зарылдыгы жеткирилди.

Жалал-Абад ОИИБдин Басма сөз кызматы