1,557 Бардыгы /

БАТКЕН. Баткен облусунун аймагындагы социалдык тармактарындагы мекеме-ишканаларга жана аймак калкына 2020-2021-жылдын күз-кыш мезгилине жалпысынан 120 миң тонна көмүр керектелет.  А ушул тапта облус аймагында  304 миң тонна “кара алтын” казылып алынды.

Бирок, жыл акырына дейре дагы 400-450  миң тоннага дейре көмүр казып алуу божомолдонууда.  Ошондуктан, көмүр аталган  облуста дээрлик жетиштүү  жана олуттуу деле көйгөй жаратпайт. Билим берүү тармагында керектелүүчү 12,3 миң тонна  көмүрдүн 6,2 миң тоннасы ташылып, кампаларга  дароо киргизилди. Натыйжада бекитилген тапшырма  дээрлик 51 пайызга аткарылды.  Ал эми саламаттыкты сактоо тармагында  жалпысынан 2,1 миң  тонна “кара алтын” керектелсе, а ишжүзүндө 51 пайыз (1,1 мин тонна) көмүр ташылды. Ал эми калкты көмүр менен камсыз кылууда областын аймагында 72 стационардык көмүр соодалоочу жайлар жана унаа менен айылдарды аралап  сатуучу  50 мобилдик бекеттер калкка  такайкызмат көрсөтүп келатат.Ушул тапта Баткен облусундагы баардык көмүр сатуучу жайларда “кара алтын” тоннасы 3,5 миң сомдон 6-7 миң сомго дейре сатылып жаткан чагы. Ошондой эле Сүлүктү шаарынын  ири көлөмдөгү БК маркасындагы көмүр бардык  көмүр саткан жайларда бар наркы 7– 8 миң  сомго  дейре сатылууда.

“АЙМАК”