741 Бардыгы /

БИШКЕК. Кыргыз Республикасынын Мамлекеттик чек араларында абал туруктуу. Бул жөнүндө Кыргыз Республикасынын Мамлекеттик чек ара кызматынын коомчулук жана ЖМК менен байланыш түзүү бөлүмүнөн редакциябызга маалымдашты.

Ушул күндөрдө  Республикасынын  Чүй тилкеси  боюнча  чек ара  Өкүлчүлүгүнүн  Казакстан  Республикасынын  Кордайтилкеси  боюнча чек ара Өкүлчүлүгү менен жолугушуусу өткөрүлүп, мунун жүрүшүндө мамлекеттик чек араны жана анынрежимин  бузууга  жол бербөө маселеси абдан катуу талкууланып, мамлекеттик  чек арада кырдаал курчуп кеткен учурда өзара аракеттенүү планын, ошондой эле Кыргыз-Казак чек ара тилкесинде биргелешкен кайгуул-күзөт жүргүзүү планын дагы биротоло такташты.   Маалымат алмашуу маселесине өгөчө көңүл бурулду. Мындай эки тараптуу жолугушуулар мамлекеттик чек аранын бардык тилкелеринде дагы өткөрүлдү. Кыргыз Республикасынын Чек ара кызматынын Өкүлчүлүктөрү коңшулаш мамлекеттердин Чек ара Өкүлчүлүктөрүнүн аппараттары менен ар дайым биргелешип  аракеттенип келатат. Ушул тапта Кыргыз Республикасынын Мамлекеттик Чека ара кызматынын бардык тарамдары күчөтүлгөн тартипте кызматөтөп жатышат.

Мамлекеттик чек арадагы өткөрүү жайлары штаттык режимде иш алып барышууда. Ошону менен бирге  COVID-19жагдайы боюнча Эпидемиологиялык абалы туруктуу мамлекеттердин тизмесине кирген мамлекеттердин жарандары мамлекеттик чек араны кесип өткөнгө чейин 72 саат мурун тапшырган ПЦР-анализи таажы вируска терс жыйынтыгынкөрсөткөн маалымкаты болсо, мамлекеттик чек араны эч кандай тоскоолдуксуз кесип өтө алышат.

Карантиндик иш-чараларды жана дүйнө жүзүндөгү эпидемиологиялык абалды эске алуу менен Кыргыз Республикасынын жарандары чет өлкөлөргө чыгаардан мурун  ал мамлекеттерде киргизилген чектөөлөр менен кенен-чонон таанышуулары абзел!

“АЙМАК”