795 Бардыгы /

         БИШКЕК. Кыргыз Республикасынын Мамлекеттик чек ара кызматынын коомчулук жана ЖМК менен байланыш түзүү бөлүмү 2012-жылдын 11-майындагы Кыргыз Өкмөтүнүн жана Казак Өкмөтүнүн ортосундагы “Кыргыз Республикасынын жарандарынын Казакстан Республикасынын аймагында жана Казакстан Республикасынын жарандарынын Кыргыз Республикасынын аймагында жүрүү тартиби”  жөнүндөгү өз ара макулдашуусуна         2020-жылдын 18-августунда Протокол менен киргизилген өзгөрүүлөр күчүнө киргендигине байланыштуу 2020-жылдын 20-октябрынан баштап Кыргыз Республикасынын жана Казакстан Республикасынын жашы жете элек жарандары Кыргыз Республикасынын жана Казакстан Республикасынын паспорттору менен гана мамлекеттик чек арадан өткөрүлө тургандыгын шардана кылды.

Ошондуктан, мындан ары Кыргызстандын жана Казакстандын жашы жете элек жарандарынын  туулгандыгы тууралуу көбөлүгү мамлекеттик  чек араны кесип өтүүгө укук берүүчү документ болуп эсептелбейт.  Ага Кыргызстан менен Казакстандын ортосундагы аба каттамы дагы кирет. 

Ошону менен бирге Тараптардын 16 жашка чыга элек жана паспорту жок жашы жете элек жарандары буга чейин Кыргыз-Казак мамлекеттик чек арасынан өткөрүлгөн болсо, Мекенине кайтып келүү үчүн туулгандагы тууралуу күбөлүгүн гана көрсөтүшөт.

Алишер ТОКСОНБАЕВ “АЙМАК”