Аймак

700 МИҢ СОМДУК МЫЙЗАМСЫЗ ТОВАРЛАР КАРМАЛДЫ

700 МИҢ СОМДУК МЫЙЗАМСЫЗ ТОВАРЛАР КАРМАЛДЫ

 603 Бардыгы /

БАТКЕН. Кыргызстанга дээрлик 700 миң сомго чукул мыйзамсыз ташылып келинген товарлар кармалды. Бул жөнүндө Мамлекеттик бажы кызматынан кабарлашты.

Маалыматка таянсак, «Баткен» бажысынын кызматкерлери тарабынан Баткен шаарында Э.И.Н. аттуу Кыргыз жаранынын башкаруусундагы “Вольво” үлгүсүндөгү шектүү унаа токтотулуп, дыкаат текшерилген. Аталган автоунаанын жүк салган бөлүгүн текшерген маалда чектеш мамлекеттен мыйзамсыз ташылып келе жаткан жалпы салмагы 11 миң 647 кило жүзүм жана курма табылды. Кармалган товардын жалпы наркы 697 миң 270 сомду түздү.

Баса, аталган факт Кылмыштардын жана Жоруктардын бирдиктүү реестрине катталып, материалдар тергөөгө караштуулугу боюнча атайын органдарга өткөрүлүп берилди.

Алишер ТОКСОНБАЕВ “АЙМАК”     

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17