1,269 Бардыгы /

Акырындап суук түшүп, кыш жакындап, от жагуу мезгили да башталып калды. Жайкы өрт кооптуу мезгил аяктап, кооптуу кышкы өрт кооптуу мезгил келе жатат. Ошондутан от жагуунун алдында ага даярданып, өрт коопсуздугун эрежелерине ылайык от жагуучу мештерин, алардын морлорун тазалап, жылуулук системаларын оңдоо зарыл.

2019-жылдын 10 айында район аймагында 45 өрт кырсыгы катталып, андан келтирилген материялдык зыян 3млн 108миң 869сомду түзгөн. Өрт өчүрүүчү-куткруучулардын ыкчам аркеттеринен улам, 3млн 450миң сомдон ашуун материялдык баалулуктар сакталып калынган.

Ал эми 2020-жылдын 10 айында район аймагында Өрт коопсуздук эрежелерин сактабагандыгынан улам 26 өрт кырсыгы катталып, андан келтирилген материалдык зыян 1млн 257миң 673сомду түзгөн. Өрт өчүрүүчү-куткаруучулардын ыкчам аракетинен улам 11млн 690миң сомдон ашуун материалдык баалуулуктар сакталып калынган.

Талдоолорго ылайык жогорудагы көөпчүлүк өрт кырсыктары отко шалаакы жана камырбастык менен мамиле кылуудан, өчүрүлбөй калган тамеки калдыгынан, электр тогуна уланган бойдон унутта калтырылган электр шаймандарынан кароосуз калтырылган балдардын от менен ойноосунан, бузук абалдагы мештерден жана моорлордон келип чыгууда. Ал эми, көпчүлүк учурларда, атуулдар уктап жаткан мезгилде эле, өрттөн чыккан түтүндөн, газдан ууланып каза болушууда.

Ошондуктан Базар-Коргон райондук өзгөчө кырдаалдар бөлүмүнүн өздүк курамы кышкы өрт кооптуу мезгилге карата турак жайларда кышкы өрт кооптуу мезгилге карата профилактикалдык иш-чараларды жүргүзүүнү күчөтүү жана азыркы учурда 986 атуулдан ашуун турак-жай ээлерине күнүмдүк турмуштагы өрт коопсуздук чаралары боюнча түшүндүрүү иштери жүргүзүлүдү.

“АЙМАК”