12 Бардыгы /

Жалал-Абад шаарында мектептер ушул жылдын 23-ноябрдан тарта ачылып, ага 1-класс, 5-класс жана 9-класс,11-класстар мектепке барышат. Бул тууралуу ыкчам штабынан билдирилди.

Жалал-Абад шаарында 2020-2021-окуу жылында пандемия шартында шаар аймагында эпидемиологиялык кырдаал оор абалда болгондугуна байланыштуу 1-класстан тартып, 11-класска чейинки окуучулар 20-ноябрына чейин токтотулган. Бул маселе 19-ноябрда ыкчам штабдын отурумунда кайрадан  каралып чыгып, 23-ноябрдан тарта мектептер ачылмак болду. Ага 1,5, 9,11-класстардын билим алуусуна уруксат берилет. Калган класстардын окуучулары онлайн тартипте окуусун улантат. Бул чечим муниципалдык жана жеке менчик  мектептерге да тиешелүү. Ал эми шаардагы №12, 18, 22 мектептерде окуучулардын саны аз болгондуктан толук кандуу иштеп, 1-класстан 11-класска чейин окуучуларды кабыл алышат.

Жалал-Абад шаардык билим берүү бөлүмүнүн окуу иштери боюнча орун басары Айнура Маданованын айтымында шаар ичинде жалпы 20 билим берүүчү мектеп болсо, анын ичинен Кызыл-Суу аймагындагы №12 негизги мектеп сентябрь айынан тарта салттуу түрдө өз ишмердүүлүгүн улантып келе жаткан. Ал мектепте жалпы 58 окуучу билим алып, 7 мугалим сабак берип келет. Шаардан 900 км алыстыкта жайгашкан ал аймакта ковид, пневмония оорусу болбогондуктан эпидемиологиялык абал туруктуу болуп ооругандар катталган эмес. Мында саламаттыкты сактоо жана билим берүү министрлиги менен биргеликте иштелип чыккан атайын окутуунун алгоритми колдонулган. Аралыкты сактоо, ар бир окуучу мугалим бет кап тагынуу, антисептик каражатты колдонуу, ар эки саат сайын бөлмөнү желдетип, хлор менен тазалап туруу, күндө окуучунун дене табын өлчөө каралган. Мындай залалсыздандыруу иштери да бүт мектептерде жүргүзүлгөн.

Ал эми облус боюнча жалпы 475 мектеп болсо, андан 266 мектепте окуу реалдуу түрдө болуп, 6603 окуучу билим алып жатат. Ошол буйруктун негизинде даярдык иштери көрүлдү. Бүгүнкү күнгө карата 1-класстарды 48 мектеп, 1-11-класстарды 113 мектеп, 1-4-класстарды 6 мектеп, 1-6-9-11-класстарды 54 мектеп, 1-5-9-11-класстарды 29 мектеп окутуп жатат. Оорунун курч катталган район-шаар, айыл-кыштактарында (Жалал-Абад шаары, Ноокен, Базар-Коргон, Ала-Бука, Токтогул райондогу) 209 мектепте окуу процесси жүргөн эмес. Бул тууралуу Жалал-Абад облусунун билим берүү бөлүмүнүн башчысы А.А.Токтосунов билдирди.

Белгилей кетсек, облуста мектептер ачылганына бир жума болгонуна карабай учурда коронавирус илдети мугалимдерден жана окуучулардан да катталган. 12-ноябрдан 19-ноябрга алынган маалыматтарда  облус боюнча 13 окуучу, 5 мугалим аныкталган.

Нурзада МАЖИДОВА, “Аймак”