711 Бардыгы /

Батыш Казакстан облусунун Орол шаардык сотунда “Бийлик өкүлүнө соцтармактардын жардамы менен акарат келтирүүгө” айыпталган жергиликтүү активист Бауржан Алипкалиевдин иши боюнча сот жараяны башталды. Эки полициячы жабырлануучу катары көрсөтмө берүүдө.

Кылмыш ишинин материалдары боюнча 25-сентябрда полиция кызматкерлери документ текшерүү үчүн КамАз автоунаасын токтоткон. Текшерүүнү Алипкалиев мобилдик телефонуна тартып алган.

— Алипкалиев мессенжер аркылуу видеону тарата баштаган. Ал акарат келтирип: “Менттер- козелдор” деп айткан. Бул шылдыңдагандык, — деди судья Кайрат Утешев.

Алипкалиев судья ишти бейтарап тергебей жатканын билдирип, ага ишенбөөчүлүк жарыялады.

Сотту чакыртып алуу сунушу канаатандырылган жок. Доо арызды караган судья Магира Китарова буга эч кандай негиз жок экенин билдирди.

Алипкалиев ага карата козголгон кылмыш ишинде саясий өңүт бар деп эсептейт. Ал жарандык позициясы үчүн куугунтукка кабылып жатканын билдирүүдө.

Бауржан Алипкалиев нааразылык митингдеринин катышуучусу катары белгилүү. Жакында ал акимчилик сентябрда тынч жыйын өткөрүүгө уруксат бербегени үчүн Оролдун жарандык сотуна кайрылган.

Чет өлкөдө жашаган казакстандык оппозициячыл саясатчы, “Казакстандын демократиялык тандоосу” кыймылынын негиздөөчүсү Мухтар Аблязов карантиндик чектөөлөргө байланыштуу жарандарга жөлөк пул төлөп берүү талабы менен 25-сентябрда митинг уюштурууга чакырган. 2018-жылы сот бул кыймылды “экстремисттик уюм” катары таанып, анын ишмердигине тыюу салган.

25-сентябрга бир нече күн калганда Казакстанда активисттерди кармоо башталган. Жүздөгөн киши айып пулга жыгылып, административдик камоолорго туш болушкан.

WWW