657 Бардыгы /

 Жалал-Абадда 5 күндөн бери дайынсыз болуп жаткан 42 жаштагы Бахтигүлдү жакындары издеп, коомчулуктан жардам сурап жатат. Маалыматты Жалал-Абад ОИИБдин басма сөз кызматы да ырастады.

Маалым болгондой, Жалал-Абад шаарынын 1978-жылы туулган тургуну Бахтигүл Базарматова 2020-жылдын 25-ноябрь күнү саат 15:30 чамасында Ленин жана Н.Айтматова көчөлөрүнүн кесилишинде кызы менен коштошуп, үйүн көздөй кеткен бойдон дайынсыз болгон.

Учурда анын жүргөн жерин аныктоого мүмкүнчүлүк болбой жаткандыгына байланыштуу туугандары жана милиция аны табууга коомчулуктан жардам сурайт.

Өзгөчө белгилери: бою 155-160 см, өңү буудай ыраң, чачы, кашы, көзү кара, орто дене түзүлүштө.

Кийген кийимдери: башында сары, кара түстөр аралашкан жоолук, тизеге чейин келген боз түстөгү куртка, кара түстөгү шым, такасы кызыл болгон кара түстөгү бут кийим.

«Дайынсыз болуп жаткан Бахтигүл тууралуу кандайдыр бир маалымат болсо, биздин дарекке кабарлап коюңуздарды суранабыз. Алдын ала көрсөткөн жардамыңыздар үчүн ыраазычылык билдиребиз», – деп билдирди басма сөз кызматы.

Телефон номурлар: (03722) 5-28-31, 7-03-44, 0777 79-23-63, 0773 00-08-02