1,287 Бардыгы /

БҮГҮН. Жалал-Абад шаарынын мэрлик кызмат ордуна шайлоо болуп өттү.  Шайлоого шаардык депутаттар, БШКнын Жалал-Абад шаарындагы өкүлү жана жергиликтүүлөр катышышты.

БШКга Жалал-Абад шаардык мериясынын мэрлигине талапкер катары Ормоков Эрнисбек жана Зияйдинов Эрнист өз арыздарын тапшырышкан. Ошону менен 3-декабрга белгиленген мэр шайлоо болуп өттү. Анда Зияйдинов Эрнист Ормоков Эрнисбекти колдоо ниетин билдирип шайлоо мезгилинде өз талапкерлигин кайтарып алды. Ошондуктан мэрлик кызматка жалгыз талапкер катары Э.Ормоков ат салышты жыйынтыгында шаардык кеңештин депутаттары бир добуштан Э.Ормоковго добуш беришип, ошол сааттан баштап Э.Ормоков Жалал-Абад шаарынын мэри болуп дайындалды.

Шаарда жалпы 31депутат болуп алардын 28и бүгүнкү шайлоого катышышты. Ормоков өз иш планын сунуштады анда ал аэрпортту өз ордунан жылдыруу, шаардын каттамындагы 4 автобустарды жаңылоо, чачкынды базарларды жоюп, аларга шарт түзүүгө,  авторынокторго шарт түзүү жана жеке бизнесмендерге колдоо көрсөтүү ошону менен чет өлкөлүк долбоор, гранттар менен иштешүүгө көңүл буурарын баса белигиледи. Сөз аягында шаардын 4-жылдын ичинде шаардын экономикасын көтөрүп мэрия бюджетин 1млиард сомго чейин көтөрүүгө аракет кылуусун айтты.

Байканбек САДЫКОВ “АЙМАК”