1,128 Бардыгы /

Ырчы Асел Кадырбекова парик (кийме чач) кийип жүрөөрүн ачыктады. Бул тууралуу ал социалдык тармактагы баракчасына билдирүү калтырган.

“Бул парик да” деп 100 жолу жазгандарга… Ооба, парик! Менин башыма операция жасалган. Чачымды кырдыргам. Эми чачымдын өсүшүн күтүп жатам. Бул чачтар ыңгайлуу, ансыз мен өзүмдү жаман сезээримди билип, жолдошум мага ушундай белек жасады. Мен бул нерсени жашырган эмесмин!”, – дейт ырчы Асел Кадырбекова.

Эске сала кетсек 4 ай мурун 26-июнда Бишкектеги Медеров жана Тыныстанов көчөлөрүнүн кесилишинде Toyota Camry менен Honda Odyssey автоунаалары кагылышкан. Анын кесепетинен Toyota Camry унаасында рулда бараткан Асел Кадырбекова катуу жаракат алган.

Ал эми Honda Odyssey унаасынын айдоочусуна кылмыш иши козголуп, убактылуу бир айга камакка алынган. Кийинчерээк Асел Кадырбекованын үй-бүлөсү жол кырсыгына күнөөлүү айдоочуну кечиргени, тосмо арыз жазганы маалымдалган.
“АЙМАК”