912 Бардыгы /

ОШ. Ош жергесинде курулуш материалдарынын сапаты абдан эле начар. Бул жөнүндө Ош облусунун Башкы Планы боюнча жыйында Кыргыз Өкмөтүнүн Ош облусундагы ыйгарым укуктуу Өкүлү Жарасул Абдураимов агынан жарылды.

Жарасул Абдураимовдун айтымында, ал өзү Ошто ирригациялык лотокторду чыгарган ишканага баш багып, өндүрүлгөн продукциянын сапаты абдан начар экендигине чындап ынанды.

– Мен Оштогу «ЖБИ-20» ишканасында болдум. Ишкана ирригациялык лотокторду гана чыгарат экен. Айрымдары сынып жерде жатат. Каркастарын дегеле көрбөдүм. Металлдын сеткалары дагы сапатсыз экен. Тээ СССР маалында  чыгарылган лотоктор азыркыга чейин дагыле турат. Кээ бир курулуп жаткан үйлөрдү көрүп, жакамды кармандым. Анткени, курулушта кеёири урунулган арматуранын сапатынан чындап шек санайсыё. Ошондуктан архитекторлор ар бири өздөрүнүн районун көргөндө, эл кубана тургандай үйлөрдү гана курууга тийиш! Болочоктуу макеттерди түзгөндү дагы дал ушуну эч унутпоолору абзел! – деп тызылдады Кыргыз Өкмөтүнүн Ош облусундагы ыйгарым укуктуу Өкүлү Жарасул Абдураимов.

Облус жетекчисинин тапшырмасы канчалык даражада аткарылат? Аман турсак, муну дагы көрө жатаарбыз.

Алишер ТОКСОНБАЕВ “АЙМАК”