945 Бардыгы /

2020-жылдын 26-ноябрь күнү Жалал-Абад шаарынын 36 жаштагы тургуну арыз менен кайрылып, 2020-жылдын 25-ноябрь күнү саат 15:30 чамасында жубайы 1978-ж.т. Базарматова Бахтигул Сабировна Жалал-Абад шаарынан кызы менен коштошуп, үйүн көздөй кеткен боюнча үйүнө барган эмес.

Жогорудагы коомчулук арасында резонанс жараткан окуяны аныктап, дайынсыз болуп жаткан жаранды табуу максатында, Жалал-Абад ОИИБдин жетекчилигинин көзөмөлү астында тиешелүү иш-чаралар уюштурулган.     

Жалал-Абад ОИИБдин жана Жалал-Абад ШИИБдин Криминалдык милиция кызматынын кызматкерлери тарабынан жүргүзүлгөн ыкчам-иликтөө иштеринин натыйжасында, 2020-жылдын 6-декабрь күнү дайынсыз болуп жаткан Бахтигул Базарматова киши колдуу болуп өлтүрүлгөн деген ыкчам маалымат алынган. Бул өзгөчө оор кылмыштын бетин ачуу максатында шек жараткан эки атуул аныкталып, ошол эле күнү жүргүзүлгөн иликтөө иш-чараларынын натыйжасында 1981-ж.т. Жалал-Абад шаарынын тургуну  Х.И. жана Сузак районунун тургуну 1993-ж.т. П.Ш. кармалган.

Бул окуя боюнча топтолгон материал Жалал-Абад ШИИБдин КЖБРне кататалып, Тергөө кызматы тарабынан Кыргыз Республикасынын Жазык Кодексинин 130-беренесинин (Киши өлтүрүү) негизинде сотко чейинки өндүрүш иши ачылган.

Тергөөнүн жүрүшүндө: шектүүлөр Х.И. Жана П.Ш. тарабынан                      2020-жылдын 25-ноябрь күнү, өздөрүнүн сырттан таанышы болгон Б.Базарматова менен жолугушуп, Жалал-Абад ш. Ленина-Н.Айтматова көчөлөрүнүн кесилишинен саат 16:30 чамаларында “Тойота-Авенсис” автоуунасы менен Жалал-Абад шаарынын четиндеги ээн талаага алып барып, андан акча сурашкан. Б.Базарматова акча жок экендигин айткандан кийин И.Х. өзүнүн автомашинасында турган кол чачыгы менен аны муунтуп өлтүрүп, көтөрүп жүргөн сумкасында болгон 32000 (отуз эки миң) сом акчасын жана тагынып жүргөн алтын буюмдарын алышып, кол телефонун ыргытып жиберишкен. Ал эми Б.Базарматованын жансыз денесин Жалал-Абад шаарынан 60-чакырым алыстыкта жайгашкан Сузак районунун Чангет-Сай дарыясынын жээгиндеги таштандыга көмүп коюшкан. Бирок ушул аралыкка чейин жансыз дененин толук көмүлбөй ачык калган бөлүктөрүн карга-кузгун жеп койгондугу аныкталып, жансыз денесине карата тиешелүү эскспертизалар дайындалган.

Шектүүлөр жогорудагы жасаган кылмышын мойнуна алышып, окуя кандай болгондугу тууралуу жана жансыз денени көмүп койгон жерин көрсөтүп беришкен. Сотко чейинки өндүрүш иштин алкагында  шектүүлөр Жалал-Абад ШИИБнин УКЖна киргизилген.

“АЙМАК”