831 Бардыгы /

13-декабрда Караганда облусунун Топар айылындагы Райондук электр станциянын буу түтүгү жырылып, ишкананын 62 жаштагы жумушчусу каза болду. Азырынча бийлик да, станцияга ээлик кылган «Kazakhmys Energy» компаниясы да кырсыктын себептерин айта элек.

Облустук саламаттык сактоо башкармалыгынын маалыматына караганда, кырсыктан жабыркаган үч жумушчу 1-2-деңгээлдеги күйүктөрү менен ооруканага жеткирилди.

Жергиликтүү бийлик кырсыктан кийин станцияда өрт чыкпаганын жана жарылуу болбогонун билдирди. «Бул окуя турак үйлөрдү жылуулук жана электр энергиясы менен камсыз кылууга таасирин тийгизген жок. Ушу тапта «Kazakhmys Energy» ишканасынын жумушчулары түтүктү калыбына келтирүү иштерин жүргүзүүдө», — деди облустук акимчиликтин өкүлү.

Кырсык болгон электр станциясы Топар айылындагы жана Абай шаарындагы тургундарды жылуулук жана электр энергиясы менен камсыз кылат.

WWW