825 Бардыгы /

Өзбекстандын Башкы прокуратурасы журналист жана режиссер Абдукарим Мирзаевдин Түркияда кармалышына расмий Ташкенттин тиешеси жок экенин билдирди.

Маалыматка караганда, Өзбекстанда Мирзаевге карата кылмыш иши козголгон эмес.

19-декабрда жергиликтүү басылмалар 38 жаштагы журналист, кинорежиссер, блогер жана Кастамону университетинин магистранты Абдукарим Мирзаев 11-декабрда Түркияда кармалганын жазышкан.

Qalampir.uz басылмасынын маалыматына караганда, журналист телефондо «шектүү кишилер» менен сүйлөшкөнү үчүн кармалып, кийинчерээк бошотулган. Ага кандайдыр бир айып тагылбаганы менен Түркиядан депортациялоо чечими кабыл алынган.

Түркиянын күч түзүмдөрү Абдукарим Мирзаев эмне себептен улам кармалганын ачыкташкан жок.

38 жаштагы журналист «Пойтахт» менен «Замин» радиостанцияларында, «Ёшлар» жана «Узбекистан» телеканалдарында иштеген.

Мындан тышкары Мирзаев Кырыгзстандын түштүгүндө болгон 2010-жылдын июнь окуялары боюнча тартылган«Изтироб» (Азап чегүү) даректүү тасмасынын режиссеру.

WWW