3,147 Бардыгы /

Урматтуу мекендештер!

         Саналуу убакытта жаңы 2021-жыл босогобузду аттайт. Бардыгыңыздарды жаңы 2021-жыл менен чын жүрөктөн куттуктайм! Эски жылды узатып жатып, өтүп бара жаткан жылга саресеп салсак, 2020-жыл абдан татаал жылдардан болду: дүйнө жүзү боюнча жайылган таажы илдети, ага байланышкан экономикалык каатчылык, бир катар саясий өзгөрүүлөр, өлкөбүздөгү демократиялык багытта жаңылануулар. Ушул шарттардаэлибиз кыйынчылыктарга бекем туруштук берип, жаңы жылды ынтымакта, салыштырмалуу оң туруктуулукта тосуп алууда, ийгиликтерибиз жок эмес, өсүш бар, келечегибизди өзүбүз түптөөдөбүз. Элибиз татаал шарттарда айыл чарба жана өнөр жайөндүрүшүн токтотпой, ишин алып кете алды, бардык жарандарыбыз болушунча мекемебиздин ишмердигине өз салымын кошууда. Ушулардын бардыгын эске алып, келе жаткан жаңы жылыбыздан үмүттөрүбүз чоң, жакынкы жана эртеңки келечекке зор ишенич менен кадам таштайлы. Жаңы жылда мекендештерибизге чың ден соолук, аман-эсенчилик, токчулук менен молчулук, албан-албан ийгиликтерди каалайм! Жакындарыбыз менен аман-эсенчиликте, биргеликте, жыргалчылыкта узак өмүр сүрөлү! Жаңы жыл майрамыңыздар менен, урматтуу мекендештер!

К.Ш. Токтомаматов атындагы Эл аралык университеттин ректору, э.и.д., профессор, РМА академиги С.А. Өмүрзаков