636 Бардыгы /

Жыйында Жалал-Абад шаары боюнча 2021-жылга карата республикалык бюджеттен үлүштүк гранттарды жактыруу жана анга кошо жалпы 7маселе каралды.

Жыйын жүрүшүндө алгачкы болуп БШКнын Жалал-Абаддагы мүчөсүнүн айтымында Шайлоо учаскасындагы комиссиясынын төрагасы жана катчысы 3000 айлык алат, колуна тийгени болсо 2400 сом ал эми калган мүчөлөр 1620сом бир айлык эмгек акы алат.

“Эгер сиздер татыктуу эмгек акы төлөп берсеҢиздер, алар башка нерселерге көз-каранды болушпайт. Алардын эмгек акысы бир айлык түштөнүүсүнө да жетпейт. Анан кантип шайлооо таза өтмөк эле”,-дейт шаардык кеҢештин депутаты Зарыл Салиев.

Ал эми шаардын депутаты Канат Берикбаев “ Спутник кичи шаарчасындагы Абдукаимов көчөсүндөгү дарактардын буташты, ал жакшы бирок ал буталган бутактар 15 күндөй жыйналбай калган.

Базар, жол боюндагы көрнөк-жарнактарды да көзөмөлгө алуу керек. Мен билем кээ бирлеринин документи да жок. Бир күндө эле 20 жарнак орнотулган, ошол орнотулгандар текшерүүгө алыныш керек. Койдурган инсандар арабызда олтурат, мен билем азырча айтпай эле коёюн”,-дейт ал.

“Унаа токтотуучу жайга 10сом деп токтом чыгарылган, бирок ал жакта иштегендер унааларга 20 сом кылып  өз башымча көтөрүп алышкан. Бул боюнча караштырып токтомду 20сом кылып өзгөртөлү эл да көнүп калды. Кааланын буджети да бир аз көрөтулмөк…

Тазалык ишканасына жылына бир техника алып берилсе, ал менен жетишишпейт, ал үчүн кредит алып эле 5-6унаа алып берип коёлу”,-дейт Мирлан Келдибеков.

Жыйынтыгында Жалал-Абад шаары боюнча 2021-жылга карата республикалык бюджеттен үлүштүк гранттарды жактыруу бекитилди. №17 орто мектебине да Шамшидин Кочкоровдун ысымын берүү боюнча токтом кабыл алынды.

Жалпысынан 31-депутаттын ичинен 18и катышышты. Саат 10-00гө сессия белгиленгени менен шаардык депутаттар өз мезгилинде келбей сессия убактысы да бир сааттан ашык убакытка артка сүрүлдү.

Байканбек САДЫКОВ “АЙМАК”