1,041 Бардыгы /

Майлуу-Суу шаарынын 95 жаштагы тургуну, Улуу Ата Мекендик согуштун ардагери Болуш Кадыркулов көз жумду. Бул тууралуу бүгүн, 22-декабрда Майлуу-Суу шаарынын мэри Нурадил Маматов билдирди.

Маалыматка караганда, аксакал кечээ, 21-декабрда жерге берилди.

«Ушул жылдын жай мезгилинде согуштун ардагери Ташболот Абдуллаев 97 жашында дүйнө салды. Ал эми Болуш аксакалды кечээ акыркы сапарга узаттык. Шаарда согуштун 2 ардагери бар болчу. Аларга шаардык кеңештин депутаттарынын 3-июлдагы чечими менен «Майлуу-Суу шаарынын ардактуу атуулу» наамын ыйгарган болчубуз», – деди ал.

Болуш атанын артында 5 уул, 3 кызы, 40 небере, 115 чөбөрө, 1 кыбырасы калды. Ал 1945-жылдын башында атайын даярдыктан өтүп, согушка аттанган. Кандуу кагылышта Одесса шаарында болгон.

Ардагер ата буга чейин Turmush басылмасына берген маегинде Австриядан Чехияга жөө 3 айда жетишкенин айтып берген болчу.

“АЙМАК”