819 Бардыгы /

БАТКЕН. Кыргыз Өкмөтүнүн Баткен облусундагы ыйгарым укуктуу Өкүлү Жаныбек Жалалов Кыргыз Өкмөтү тарабынан таратылган тез жардам автоунааларын Баткен облустук үй-бүлөлүк дарыгерлер борборуна тапшырды.

Ошентип, Исфана шаарынын, Лейлек районунун Кулунду, Баткен районунун Самаркандек, Кадамжай районунун Үч-Коргон жалпы дарыгерлер борбору заматта заманбап тез жардам унааларына ээ болушту. Бул атайын унааларда бейтапка медициналык тез жардам көрсөтүү үчүн зарыл болгон бардык шарттар түзүлгөн. Жасалма дем алдыруучу ИВЛ апараты дагы  орнотулган.

Белгилей кетчү жагдай: Баткен облустук үй-бүлөлүк дарыгерлер борборунун эсебинде аймакта жалпысынан 44 тез жардам унаасы бар. Мунун сегизи 2020-жылы мамлекет тарабынан берилсе, тогузу  демөөрчүлөр жана эл тарабынан сатылып алынган.

Алишер ТОКСОНБАЕВ “АЙМАК”