1,254 Бардыгы /

ЖАЛАЛ-АБАД. Жалал-Абад облусунун аймагында жайгашкан шайлоо тилкелериндеги коомдук тартипти такай көзөмөлдөөгө жети жүздөн ашуун милиция кызматкери бөлүндү. Бул тууралуу Жалал-Абад облустук милициясынан кабарлашты.

Маалыматка караганда, Жалал-Абад облусунун милициясына шайлоо маалында жана ага чейин тейлеген аймактарында жоопкерчиликтүү кызмат өтөө керектиги айтылып, тиешелүү буйруктар тегиз жеткирилди. Шайлоого карата атайын инструктаждар дагы өткөрүлүп, кызматкерлерге маалымат баракчалары таратылды.

Ошентип, 10-январда Жалал-Абад облусунун аймагындагы шайлоо тидкелеринде жалпы жонунан 700дөн ашуун милиция коомдук коопсуздукту камсыздайт. Мындан тышкары ички иштер кызматкерлерине 350дөн ашуун башка күч түзүмдөрдүн кызматкерлери, 300дөй ички иштер ардагерлери жана 2000дөн ашуун элдик кошуун туруктуу көмөктөшөт.

Алишер ТОКСОНБАЕВ “АЙМАК”