870 Бардыгы /

БИШКЕК. Президенттин милдетин аткарып жаткан Жогорку Кеңеш төрагасы Талант Мамытовдун жарлыгына ылайык жергиликтүү сотторго бир катар судьялар дайындалды. Булардын арасында калк арасында абдан чоң резонанс жараткан Матраимовдордун үй-бүлөсүнүн жана Ысмайыл Матраимов атындагы коомдук фонддун жактоочусу Лейла Байдаева дагы бар. 

• Президенттин милдетин аткаруучу Талант Мамытов элдин

ой-пикирине, ишенимине ачык эле жаба түкүрдү. Анткени, Свердлов райондук сотунда журналисттер менен соттошуп жаткан Матраимовдордун жактоочусун ошол эле жерге судья кылып дайындады. Бул көрүнүштү азыркы бийликтин Матраимовдорго жагынуу аракет катары гана баалаймын! Элди жана журналисттерди мындан ары дагы жеңиш үчүн Матраимовдорго түзүлгөн «шарт», «белек» деп эсептейм. Өзү булардын эл алдында айтканы менен иш жүзүндө кылганы эки анжы болуп жатат. Талант Мамытов менен Матраимовдор кандай дос экендигин, алардын катым-катышын биз эбакдалилдеп бергенбиз. Мамытов депутаттык комиссияны жетектеп турганда Матраимовдорду ачык эле коргоп, журналисттерди бир тараптуу каралагандыгын дагыле унута элекпиз. Эми минтип Мамытов дал бүгүн жаңы бийлик ошол  коррупциялашкан үй-бүлөгө бекем кызмат кылып олтурат, – деп тызылдады журналист Али Токтакунов.

         Ал эми укук коргоочу Рита Карасартова Судьяларды тандоо Кеңеши толугу менен Президенттик аппараттын көзүн караган гана органга айланды деп эсептейт: – Соттук реформаны же мыкты судьялардын тандалып келишин биз унутушубуз керек! Президентти ким колдосо, ким акча берсе, ошол адамдар гана сот болушат.Анткени, Судьяларды тандоо Кеңеши – Президенттин аппаратына түздөн-түз көз каранды орган. Мындай көрүнүш Алмазбек Атамбаевдин, Сооронбай Жээнбековдун убагында дагы өкүм сүргөн. Андыктан, Лейла Байдаева президенттик аппаратка жакпаса, анда сынактан дегеле өтмөк эмес!

Алишер ТОКСОНБАЕВ “АЙМАК”