1,221 Бардыгы /

БИШКЕК. Кыргыз Республикасынын Тышкы иштер министринин орун басары Азизбек Мадмаров Түрк Кеӊешинин Башкы катчысынын орун басары Мирвохид Азимов жетектеген Эл аралык байкоочулардын тобу менен жолугушту.

Маалыматка караганда, атайын жолугушуунун жүрүшүндɵ Кыргыз Республикасынын Тышкы иштер министринин орун басары Азизбек Мадмаров Кыргыз Өкмөтү тарабынан Кыргыз Республикасынын  Президентин мɵɵнɵтүнɵн мурда шайлоону жана Мамлекеттик Башкаруу тартибин аныктаган референдумду даярдоо боюнча шайлоо жараянын демократиялык принциптердин негизинде, ɵлкɵбүздүн Эл аралык милдеттенмелерине жана Улуттук мыйзамдарына ылайык камсыздоо жаатында ɵткɵрүлүп жаткан комплекстүү иш-чараларды ачыктады.

Мындан тышкары Түрк кеӊешинин Байкоочулар тобуна Кыргыз Республикасынын чет ɵлкɵлɵрдɵгү мекемелеринде түзүлгɵн шайлоо тилкелериндеги санитардык-эпидемиологиялык коопсуздуктун талаптарын так аткаруу жана жарандардын саламатчылыгын коргоо боюнча кɵрүлүп жаткан чукул чаралар жөнүндө дагы баян этти. Ошондой эле Өкмөт мүчөсүнүн орун басары Чет мамлекеттерден жана Эл аралык уюмдардан келип жаткан эл аралык байкоочулардын сандык жана сапаттык курамы туурасында дагы кеңири маалымдады.

Түрк Кеӊешинин башкы катчысынын орун басары Азимов ɵз кезегинде Түрк Кеӊешин Кыргыз Республикасынын  Президентин мɵɵнɵтүнɵн мурда шайлоого жана референдумга чакыруу үчүн терең ыраазычылыгын билдирди. Бул маанилүү коомдук жана саясий иш-чаралардын ийгиликтүү ɵтүүсүн чын жүрөктөн каалап, шайлоонун жыйынтыктары Кыргызстандын элинин бакубатчылыгына гана кызмат кылаарына бекем ишендирди.

Соңунда тараптар Түрк Кеӊешинин алкагындагы кызматташтыктын мындан ары ɵнүгүүсүнүн келечеги жаатында, ошондой эле аталган Эл аралык Уюмдун күн тартибинин актуалдуу маселелери боюнча дагы ачык-айкын ой-пикир алмашышты.

Алишер ТОКСОНБАЕВ “АЙМАК”