753 Бардыгы /

 ОШ. Ош шаарында синтетикалык маңзаттардын ири партиясы табылды. Бул туурасында Улуттук коопсуздук боюнча мамлекеттик комитетинен (УКМКдан) билдиришти.

Маалыматка караганда, 2021-жылдын 19-январында УКМК Ош шаарынын аймагында Кыргыз Республикасынын Кылмыш-Жаза Кодексинин 269-беренесинин 3-бөлүмү (Прекурсорлордун мыйзамсыз даярдалышы) боюнча Кылмыштардын жана жоруктардын бирдиктүү реестрине катталган сотко чейинки өндүрүштүн алкагында маңзаттарды даярдоого колдоно турган жана андан нары соодалоо максатында даярдалган өзгөчө ири көлөмдөгү химиялык заттарды ташуу иштерине акыры бөгөт койду. Такталгандай, атайын автоунаанын жүк салынуучу бөлүгүнөн жалпы салмагы 1 тоннадан ашык болгон ичинде белгисиз суюк зат бар 42 даана жащик табылып алынды. Эксперттин корутундусуна ылайык, алынган суюк зат болжол менен 20-21 пайызды түзгөн “аммиак суусунун” суу эритмеси болуп саналат.

Бул факт боюнча жүктүн ээси Ж.И. Ош шаары жана Ош облусу боюнча УКМКнын тергөө камак жайынын убактылуу кармоочу жайына киргизилди. Ушул тапта аталган фактыга тиешеси бар башка дагы адамдарды аныктоого жана кармоого багытталган тиешелүү ыкчам-тергөө иш-чаралары улантылууда.

Алишер ТОКСОНБАЕВ “АЙМАК”