813 Бардыгы /

ЖАЛАЛ-АБАД. Жалал-Абад шаарындагы мектептерге окууга толук кандуу уруксат берүү маселеси шаардык штабдын атайын жыйынында абдан катуу каралды. Чогулушка калаа башчысы Эрнисбек Ормоков жана комиссия мүчөлөрү катышты.

Маалыматка караганда, ушул тапта аталган шаарда таажы илдетине байланыштуу абал туруктуу. Бирок, бүгүнкү күндө ооруканада 17 адам, үй шартында 4 киши дагыле бул дарт менен күрөшүп жатышат. Мына ушул жагдайды жана Саламаттык сактоо жана Билим берүү министрлигинин алгоритмин эске алуу менен шаардык штаб тарабынан айрым мектептерге гана балдарды окутууга уруксат берилди.

Жалал-Абад шаардык мэриясынын билдирүүсүнө таянсак, үстүбүздөгү жылдын 25-январынан баштап окуучулардын саны 900гө жетпеген мектептер толук кандуу салттуу билим берүүнү ырааттуу түрдө улантышат. Тактап айтканда, №6-, 11-, 16-, 21-, 19- мектептерде 1-класстан 11-класска чейин окуганга уруксат берилди. Ал эми калган мектептерде 1-2-3-4-5-6-9-11-класстар гана мектепке барып билим алышат. Аталган билим уяларындагы 7-8-10-класстар аралыктан окууну дагыле улантышат.

• Мектептер азырынча шаардык штабдын чечиминин негизинде гана

жогорудагыдай тартипте убактылуу иштешет. Убакыт өткөн соң кырдаалга жараша дагы өзүнчө чечим кабыл алынат. Ал эми бала бакчаларга мониторинг жүргүзүлүп, жыйынтыгына жараша уруксат берүү жагы дагы каралат, – деди Жалал-Абад шаарынын мэри Эрнисбек Ормоков.

Алишер ТОКСОНБАЕВ “АЙМАК”