885 Бардыгы /

БАТКЕН. Буга чейин маалым болгондой, таажы илдетинин күз-кыш мезгилдерине божомолдонгон экинчи толкунун  эске алуу менен калк арасында сасык тумоонун  алдын алуу максатында жалпы өлкөдө сасык тумоого каршы акысыз  эмдөө башталган.

Баткен облусунда эмдөө жүргүзүү үчүн биринчи этапта 9000, экинчи этапта 10000, үчүнчү этапта 52 миң 414 адамга мамлекет тарабынан акысыз эмдөө жүрдү. Ал эми жакында эле бейөкмөт уюмдардын колдоосу аркасында дагы 5000  адамга эмдөө жасалды.

Эмдөө  ооруну жуктуруп алуу тобокел тобуна кирген, абдан көп ооруган беш жашка чейинки балдарга, кош бойлуу аялдарга, өнөкөт оорулары бар адамдарга, 65 жаштан жогорку курактагы кишилерге жана медицина кызматкерлерине, аз камсыз болгон, көп балалуу үй-бүлөлөргө, карылар жана балдар үйлөрүндөгү жарандарга жасалды. 

Алишер ТОКСОНБАЕВ “АЙМАК”