1,272 Бардыгы /

БАТКЕН. Кадамжай районунун Майдан Айыл Өкмөтүнө караштуу Бак айылына таза суу чыгарылды. Бул иш-чарага – таза суу обьектисинин ачылышына Кыргыз Өкмөтүнүн Баткен облусундагы ыйгарым укуктуу Өкүлү Жаныбек Жалалов катышып, элеттиктерди бул жакшы саамалыгы менен кызуу куттуктап, элибиздин саламаттыгы жана бакубат жашоосу үчүн зор мааниге ээ болгон  ичилүүчү  суу менен камсыз кылуу мамлекетибиздин эң негизги багыттарынын бири экендигин баса белгиледи.

Кадамжай районундагы Бак айылындагы таза суу долбоорунун жүзөгө ашырууга “Абийир” коомдук кайрымдуулук фонду 350 миң сом каржылык колдоо көрсөттү. Ал эми Майдан Айыл Өкмөтү таза суу чыгаруу үчүн зарыл болгон трансформатор, он эки жогорку чыңалуудагы мамычаларды, электр зымдарын сатып алуу үчүн  жергиликтүү бюджеттин эсебинен жетиштүү каражат ажыратты.

Кадамжай районундагы Бак айылынын эли  1000 литр суу кампасынын курулуш иштерин өздөрү колго алышты. Ушул тапта  таза сууну ар бир көчөгө жана турак үйгө тартуу иштери дагыле улантылып жатат.

Алишер ТОКСОНБАЕВ “АЙМАК”