2,091 Бардыгы /

ОШ. Кыргызстандын Түштүк башкалаасындагы Ниязалы атындагы Ош мамлекеттик музыкалык окуу жайына Ильязбек Ташболот уулу үч айлык сыноо мөөнөтү менен директор болуп дайындалды. Ташболот уулу буга чейин эле аталган окуу жайда эмгектенип жаткан.

Баса, Ош мамлекеттик музыкалык окуу жайынын жаңы директору Ильязбек Ташболот уулун окуу жайдын эмгек жамаатына Маданият, маалымат жана туризм министринин орун басары Илязбек Балташев тааныштырды. Эске салсак, буга чейин Ниязалы атындагы музыкалык окуу жайынын директорлук кызматына Кыргыз Республикасынын Эмгек сиңирген артисти, ырчы Самара Каримова келген эле. Ал буга чейин дагы директорлук кызматта бир күн гана иштеп, кайра иштен алынгандыгын жана соттон мыйзамдуу уткандыгын айткан. Бирок, окуу жайдын кызматкерлери Самара Каримованын директор болуп келишине ачык каршылык билдирип чыгышкан.

Ниязалы атындагы Ош мамлекеттик музыкалык окуу жайында жалпы жонунан 93 кызматкер эмгектенет. Булардын 53ү – окутуучулар.

Алишер ТОКСОНБАЕВ “АЙМАК”