897 Бардыгы /

БИШКЕК. Жаңы үлгүдөгү заманбап биометрикалык паспорттордун алгачкы 100 миң нускасы февраль айынын аягында даяр болоору күтүлүүдө. Ошондо гана алар жарандарга алмаштырылып бериле баштамакчы.

Мамлекеттик каттоо кызматы маалымдашынча, жаңы үлгүдөгү  паспорттор отуздан ашуун заманбап коопсуздук элементтери менен корголот. Мунун ичинде мукабасында рельефтик сүрөттөр когнитивдик басма менен колго сезилген элементтери колдонулат. Мындан тышкары паспорттун барактарында өлкө аймактарынын символдору – Ала-Тоо аянтындагы Тарых музейинин, Манас эстелигинин, Айгүл гүлүнүн, Таш-Рабат архитектуралык комплексинин, Ысык-Көлдүн жана башка сүрөттөр камтылган. Ошондой эле “Атасынын аты” деген сап жарандын каалоосуна жараша гана толтурулат.

Кыргыз паспортунун жаңы үлгүсүн чыгаруу 2020-жылдын май айында германиялык “Mühlbauer ID Services” компаниясы менен 1 жарым миллион бланк чыгарууга 3 жылдык келишим түзүлгөн. Келишим улуттук валюта сом менен түзүлгөндүктөн, жаңы паспорттун баасы чет өлкөлүк валюталардын өзгөрүүсүнөн таптакыр көз каранды болбойт.

Алишер ТОКСОНБАЕВ “АЙМАК”