786 Бардыгы /

Айлыбыздын кыраан уулу, мамлекеттик ишмер, улгүлүү насаатчы Абдылда Акпаралиевдин 100 жылдыгы Ала-Бука районуна караштуу Сары-Талаа айылындагы №4      А.  Акпаралиев  атындагы жалпы билим берүүчү  орто мектебинде жогорку деңгээлдеболуп өттү. Ага Райондук билим берүү бөлүмүнөн келген өкүлдөр жанан А. Акпаралиевдин үй-бүлө мүчөлөрү келип катышышты.  Мектептин окуучулары кечеде активдүү катышышып,             А. Акпаралиевдин өмүр таржымалы, анын чыгармачылык ишмердүүлүгү, калтырган изи жөнүндө алдыңкы тажрыйбалуу мугалимдер тарабынан даярдалган слайд, видеороликтер аркылуу таанышышты. Окуучулар Абдылда агабызга арнап обон созо ырдашып, чимириле бийлешип, комуз күүсү менен да өздөрүнүн чеберчиликтерин көрсөтүштү. Кечеде 9-а классынын окуучусу Эргешбаева Айченур өзүнүн жазган ырын көркөм окуп берди.  Ошондой эле 10-а классынын окуучусу Сулайманкулова Бактыгүл   А. Акпаралиевге арналган ырлардан көркөм окуду. Бүгүн кылым жашаган мааракелик салтанатын белгилеп жаткан коомдук партиялык саясий ишмер, Кыргызстан Коммунисттик партиясынын Борбордук Комитетин чейрек кылым башкарган    А. Акпаралиевдин өмүрү, мамлекет үчүн кылган кызматы биз үчүн өрнөк!