2,988 Бардыгы /

Жалал-Абад шаарындагы бардык мектептер реалдуу түрдө иштейт жана бала бакчалар кабыл алууну башташат. Мындай чечим өткөн жума күнү шаардык штабдын жыйынында кабыл алынды.

Жалал-Абад шаарындагы мектептер толук кандуу иштей баштады. Жаңырган жылдын 1-февралынан баштап баардык мектептерде 1-класстан 11-класска чейинки мектеп окуучулары салттуу түрдө билим алууну улантат. Андан тышкары муниципалдык бала бакчалар да дүйшөмбүдөн баштап балдарды кабыл алат. Анда санитардык нормаларды сактоо талабы коюлду.

Ошентсе да кээ бир ата-энелердин жазган арыздары менен окуучулар онлайн түрүндө да окууларын улантууда. Мындай пикирди Жалал-Абад шаарындагы М.Бабкин атындагы №1 мектеп-гимназиясынын директору Дамира Касымбекова айтты.

“Биздин мектеп-гимназияда жалпы 2479 окуучу бар. Учурда балдар реалдуу түрдө сабакка келе башташты. Ошондо да санитардык эрежелерди сактоо менен ар бирин маска, антисептик каражаттары менен кабыл алуудабыз. Сыртта колдорду жуу үчүн атайын жылуу суулар турат. Буга чейин алгоритмди сактоо менен 1-4 жана 5,9,11-класстар 4 сменада окуп келишсе, азыр 3 сменада окушат. Бизде кабинеттер жетишпегендиктен бир класста 40тан окуучу окушат. 1-класстан эле 6 класс бар.

Балдарынын ден соолугуна карап айрым ата-энелердин ичинен онлайн окутууну сурангандар да бар. Мында мугалимдерге да кошумча түйшүктөр жаралууда,” – дейт Д.Касымбекова.

Шаарда №17 “Каакым” бала бакчасынын башчысы Динара Токбаеванын айтымында учурда бала бакчага бир жума мурун мониторинг жүргүзүү менен балдарын такыр кароого мүмкүнчүлүгү жок, экөө тең мамлекеттик кызматта иштеген, жалгыз бой, аз камсыз болгон ата-энелердин балдарын алгоритм менен кабыл алууда. Ал бала бакчада 140тай бала тарбияланып келсе, учурда 12 бала тарбияланууда.  

Ал эми Жалал-Абад облусунун регион, айылдарында жалпы 475 мектеп болсо, анын 434 мектепте окуучулар 1-класстан 11-класска чейин реалдуу түрдө билим ала башташат. 41 мектепте 1-5 класстар жана 9-11 класстар реалдуу, калган окуучулар онлайн таризде билим алууну улантышууда. Бул тууралуу областтык усулдук билим берүү бөлүмүнүн башчысы Акылбек Токтосунов билдирди.

“Көпчүлүк бала бакчаларга уруксат берилип ишин улантып жатышат.

Бүгүн жыйындын чечими менен бардык бала бакчаларга уруксат берилет”,- деди.

Эске сала кетсек, буга чейин 900дөн ашуун окуучусу бар мектептерде 6-7-8-10 класстын окуучулары онлайн сабак окуп келишкен.

“Аймак”   О denI
?{F