1,026 Бардыгы /

БАТКЕН. Кадамжай районунда жергиликтүү тургундар иштетилбей калган эски шахтаны мал кармоо максатында короо сыңары гана урунуп келишкен. Ошол себептүү аталган шахтадан чыккан өрттөн 243 баш кой-эчки куйкаланып кырылды. Бул тууралуу Өзгөчө кырдаалдар министрлигинен билдиришти.

Маалыматка караганда, күтүлбөгөн кырсык үстүбүздөгү жылдын 3-февралында түшкө маал Кадамжай сурьма комбинатынын иштетилбей калган шахтасында болгон. Жергиликтүү тургундар шахтаны мал кармоо үчүн короо катары пайдаланып келишкен экен.

Окуя болгон жерге Өзгөчө Кырдаалдар Министрлигинин №3 өзүнчө мобилдештирилген тоо-кен куткаруу взводунун куткаруучулары тартылган. Алар тосмо орнотуп, тургундардын макулдугу менен өлгөн кой-эчкилерди шахтанын ичинде көмүп кетишкен. Кырсыктан жапа чеккен адамдар жок. Ушул тапта өрттүн келип чыгышы себептери ар тараптуу иликтенип жатат.

Алишер ТОКСОНБАЕВ “АЙМАК”