2,064 Бардыгы /

ОШ. Араван районуна караштуу анклавда – Төө-Моюн Айыл Өкмөтүндө милициянын көчмө кабылдамасы иш алып бараткан чагы. Бул жөнүндө Ош облустук ички иштер башкармалыгынан кабарлашты.

Маалыматка таянсак, Араван РИИБинин көчмө кабылдамасы аталган районго караштуу Тоо-Моюн Айыл Өкмөтүнүн Керкидан, Эсенбай, Сырт, Найман, Достук, Жеке-Мисте, Акшар, Ынтымак, Жаштык, Сары-Таш жана Авиз айылдарын кыдырып, жергиликтүү  калктын арыз-муңун тыңдап, көйгөйлүү маселеси тууралуу арыз-даттанууларын жеринде кабыл алышты. Аталган айылдардын жашоочулары тарабынан суу маселеси, турак жай салганга жер тилке, электр жарыгынын тынбай үзгүлтүккө учурашы, турак жайды документтештирүүдөгү кыйынчылыктар жөнүндө кенен-чонон айтылды.

Араван РИИБсына караштуу Төө-Моюн айылдык милиция бөлүмчөсүнүн кызматкерлери тарабынан чек арага жакын жашаган калк менен кылмыштуулуктун алдын алуу жана болтурбоо максатында түшүндүрүү иш-чаралары тынбай жүргүзүлүп турат.

Алишер ТОКСОНБАЕВ “АЙМАК”