687 Бардыгы /

ОШ. Кыргызстандын Түштүк башкалаасында эки жигит кыз менен интернет  аркылуу гана таанышкан. Андан соң аны дароо бир квартирага чакырышып таанышканча, акыры алмак-салмак зордукташкан.

Ош шаардык ички иштер башкармалыгынын маалыматына таянсак, өткөн жылдын соңунда Ош облусунун жашоочусу Ош шаардык ички иштер башкармалыгына атайын арыз менен кайрылган. Анда ал он беш жаштагы кызын Ош шаарында эки жигит зордукташкандыгын, ошондуктан, буларга карата мыйзам чегинде  чара көрүүнү суранган. Анткени, жабырлануучу мектепте окуучу экен.

Ошентип, Оштун милициясы ушул жылдын 6-февралында он тогуз жаштагы эки шектүү жигитти – К.Т. ны жана А.К. ны кармашты. Мындан тышкары аталган факты Кылмыш жана Жоруктардын бирдиктүү реестрине катталып, Кылмыш-Жаза Кодексинин 161-беренесинин негизинде (зордуктоо) кылмыш иши козголуп, тергөө башталды.

Баса, зордукталган кыз аталган эки жигит менен «Инстаграм» интернет баракчасы аркылуу таанышкан экен. Анан тигил эки шумпай чакырганда, Ош шаарына өзү эле келиптир.

Алишер ТОКСОНБАЕВ “АЙМАК”