831 Бардыгы /

ЖАЛАЛ-АБАД. Ички иштер министрлигинин Маңзаттарды мыйзамсыз жүгүртүүгө каршы күрөшү кызматынын өкүлдөрү тарабынан каннабис үлгүсүндөгү маңзаттарды ташуу жана соодалоо менен шугурланышкан жактарды кармоо боюнча атайын операция ийгиликтүү аяктады.

Баса, манзаттарды ташуу жана соодалоо туруктуу каналына бөгөт коюу максатында өткөрүлгөн атайын иш-чаралардын алкагында 2021-жылдын 5-февралында болжол менен саат 02:00 чамаларында Жалал-Абад облусунун Токтогул айылынын Ош-Бишкек автожолунда Ички иштер министрлигинин Маңзаттарды мыйзамсыз жүгүртүүгө каршы күрөшү кызматынын кызматкерлери менен биргеликте Б.У. аттуу жарандын башкаруусундагы «Mitsubishi Delica» үлгүсүндөгү автоунаасы токтотулган. Шектүү автоунааны кароо маалында алдыңкы жүргүнчүлүк ордунан рюкзактын ичинен күкүрт формасындагы жапайы өскөн кара-куурай кендир жыты бар, кара-жашыл түстөгү заттар табылып алынган.  Баардыгы 167 даана болуп эсептелген. Соттук-химиялык экспертизанын корутундусуна ылайык табылып алынган зат салмагы 1 кило 937 граммды түзгөн «гашиш» маңзаты деп аныкталды. Алынган маалыматтын негизинде маңзат каражаттары Чүй облусунун 1983-жылы туулган тургуну Б.У. аттуу айдоочуга жана 1979-жылы туулган С.М. аттуу жүргүнчүгө таандык экендиги аныкталды.

Ушул тапта мазат каражаттарын ташууга тиешеси бар башка дагы шектүүлөрдү аныктоо жана кармоо жаатында атайын ыкчам-тергөө иш-чаралары улантылууда.

Алишер ТОКСОНБАЕВ “АЙМАК”