678 Бардыгы /

БИШКЕК. Ички иштер министринин мурунку орун басары Курсан Асанов УКМКнын абагына которулду. Бул жөнүндө анын жактоочусу Чынара Жакупбекова билдирди.

Чынара Жакупбекованын айтымында, өтүнүч прокуратура тарабынан берилген. Ошондуктан, сот ага ылайык чечим чыгарды. Бишкек шаарындагы Биринчи май райондук соту Курсан Асановду ушул жылдын  21-мартына дейре камакка алуу чечимин угузган. Милициянын генералына массалык башаламандык жана Ички иштер министрлигинин имаратын басып алуу боюнча айып тагылууда. Ошондой эле Курсан Асановго Кыргыз Республикасынын Кылмыш-Жаза Кодексинин «Бийликтин өкүлүнө карата коркутуу, же зомбулук көрсөтүү» беренеси боюнча дагы күнөө коюлууда. 

Айтмакчы, 2020-жылдын октябрындагы парламенттик шайлоодон кийин Бишкекте башаламандык болуп, бийликтин күтүүсүз алмашуусуна алып келген. Бул жосунсуз жорукка мурдагы Президент Алмазбек Атамбаев, Ички иштер министринин мурдагы орун басары Курсан Асанов, парламенттин экс-депутаты Равшан Жээнбеков, президенттик администрациянын мурдагы башчысы Фарид Ниязов айыпталууда.

Алишер ТОКСОНБАЕВ “АЙМАК”