969 Бардыгы /

БАТКЕН. Өмүрбек Суваналиев Кыргыз Республикасынын Өкмөтүнүн Баткен облусундагы ыйгарым укуктуу Өкүлү болуп дайындалды. Тийиштүү буйрукка Кыргыз Республикасынын Премьер-министри Улукбек Марипов кол койду.

Өмүрбек Суваналиевди  Баткен облусунун активине Кыргыз Өкмөтүнүн Аппарат жетекчисинин биринчи орун басары Айбек Джунушалиев тааныштырды.

• Баткен облусу башкалабыздан эң эле алыс жана чек  аралаш

аймакта жайгашкандыктан, аймакта  коопсуздук жана ар тараптуу өнүктүрүү маселелери көңүл борборунда турат. Муну үчүн, биринчи  ирээтте ынтымакчылыкта  болушубуз кажет! Коңшу мамлекеттер менен дагы ырашкерлик күтүп, ар кандай маселелерди  мыйзам чегинде гана чечүүбүз абзел! Ошондуктан, алдыда бул өңүттө коюлган милдеттерди аткарууга болгон күч-аракетимди жумшаймын! – деди Кыргыз Республикасынын Өкмөтүнүн Баткен облусундагы ыйгарым укуктуу Өкүлү Өмүрбек Суваналиев.

Ал эми буга дейре Кыргыз Өкмөтүнүн Баткен облусундагы ыйгарым укуктуу Өкүлү кызматын аркалаган Жаныбек Жалалов Кыргыз Өкмөтүнүн Аппаратынын жетекчисинин орун басары кызматына дайындалды. Тиешелүү буйрукка Премьер-министр Улукбек Марипов кол койду.

Алишер ТОКСОНБАЕВ “АЙМАК”