1,503 Бардыгы /

ОШ. Бишкек шаардык сотунун имаратына түнүчүндө эшиктердин кулпусун сындырып кирип барган деп шектелген адам Ош шаарында колго түштү. Бул жөнүндө Ички иштер министрлигинен билдиришти.

Маалыматка караганда, отуз жаштагы шектүү азыр Бишкектин Ички иштер башкармалыгынын убактылуу кармоочу жайында отурат. Милиция окуяны Жазык Кодексинин “Уурулук” деген 200-беренесинин негизинде каттоого алып, келтирилген чыгымды тактап жатат. Аталган мекемеден билдиришкендей, ушул жылдын 10-февралына караган түнү Бишкек шаардык сотунун имаратына кирген адам судьялардын экинчи, үчүнчү жана төртүнчү кабаттардагы иш бөлмөлөрүнө аралаган. Бишкек шаардык сотунун басма сөз кызматы белгисиз бирөөлөр имаратка эшиктин кулпусун сындырып кирип барышканын 10-февралда маалымдаган, бирок бардык иштер ордунда экенин, жарандык, жазык же административдик иштер жоголгону жөнүндө маалымат жок экенин бачыктаган.

А буга дейре социалдык түйүндөрдө Бишкек шаардык сотундагы  айрым иштер уурдалганы жөнүндү маалыматтар тараган.

Алишер ТОКСОНБАЕВ,“АЙМАК”