756 Бардыгы /

Бүгүн Өкмөттүн Жалал-Абад облусундагы ыйгарым укуктуу өкүлү Абсаттар Сыргабаев 8-март-Аялдардын эл аралык майрамы менен куттуктады.

Өткөрүлгөн салтанатка облустун район-шаарларынын  социалдык-экономикалык, саламаттыкты сактоо, маданият жана агартуу тармактарына салым кошуп келе жаткан айымдар катышты.

Өкүл мамлекетин бүтүндүгү, тынчтыгы жана өсүп-өнүгүүсүндө илим-билимдүү, жаратман айымдардын салымы чоң экенине токтолду.

“Кыргыз айымдары ар дайым эмгекчил жана чыдамкай болуп келген. Ошол эле учурда назик жана сулуу. Жыл сайын жаркыраган жаз менен кошо келген бул майрам баарыбызга көтөрүнкү маанай тартуулайт. Аялзаты эне, үйдүн куту, жашоо башаты. Аялдар бала тарбиялап, үй-бүлө түйшүгүн тартып, келечек муундарга адеп-ахлак баалуулуктарын жайылтып келет. Сиздер дээрлик бардык тармактарда өзүңүздөрдүн сынап, ийгиликтерди багынтуудасыңар. Ар бириңиздерди чын дилимден куттуктайм! Сиздерге ден соолук, үй-бүлөңүздөргө тынчтык каалайм! Ар дайым жүзүңүздөрдөн жылмаю кетпесин”, – А. Сыргабаев.

Саамалыкта Ардак грамота тапшырылып, областтык филармониянын чыгармачылык жамааты тарабынан концерттик программа тартууланды.

“АЙМАК”