639 Бардыгы /

БИШКЕК. Америка Кошмо Штаттары маңзат сатуу, адам соодалоо, курал-жарак сатуу жана башка ушул өңдөнгөн коркунучтуу кылмыштар менен алектенген кылмыштуу тармагы бар, Эл аралык уюшкан кылмыштуу топтун башчысы, киши өлтүрүү үчүн жоопко тартылган Камчыбек Көлбаевдин бошотулгандыгына байланыштуу терең тынчсыздануусун билдирет.

Камчыбек Көлбаевдин маңзат соодалоо тармагы Борбор Азияда,
Орусияда жана Европада балдарды катарынан ууландырып келатат. Дал ушул себептен АКШнын Мамлекеттик департаменти анын кылмыштуу тармагынын бузулушуна алып келген маалымат үчүн бир миллион долларга чейин сыйлык дагы сунуш кылган, – деп коңгуроо какты АКШнын Кыргызстандагы элчиси Дональд Лу.

Жакында Улуттук коопсуздук боюнча мамлекеттик комитеттин (УКМК) жетекчилиги менен болгон жолугушууда АКШнын Кыргызстандагы элчиси Дональд Лу АКШнын Кыргыз укук коргоо органдарынын Камчы Көлбаевдин ишин тыкыр иликтөө жана сот алдында мыйзам чегинде гана кылмыш жообуна тартуу аракетин колдоо боюнча АКШнын милдеттенмесин кайталаган. Ошондой эле Америка Элчиси Вашингтондун Камчы Көлбаевдин кылмыштуу тармагын бузгандыгы үчүн сунуш кылынган сыйлыкты көбөйтүү жана Кыргыз Өкмөтүнө өлкөнү Камчы Көлбаевдин кылмыштуу синдикатынын аракеттеринен келип чыккан коркунучтан арылтууга көмөктөшүү максатында Кыргыз жарандарына бул сыйлыкты чогултууга мүмкүнчүлүк берүүчү өркүндөтүлгөн механизмди түзүү ниетин дагы билдирген эле.

Алишер ТОКСОНБАЕВ “АЙМАК”