810 Бардыгы /

ОШ. Өзгөн районуна караштуу Эркин-Тоо айылынын он беш жаштагы тургунунан белгисиз үлгүдөгү тапанча жана ок-дарылар табылды. Бул жөнүндө Ош облустук ички иштер башкармалыгынан билдиришти.

Ош облустук ички иштер башкармалыгынын маалыматына караганда, социалдык тармактарда ок атуучу куралды колдонуп жүргөн жаш өспүрүмдүн видеосу тараган. Милиция кызматкерлерине он беш жаштагы И.Н. аттуу өспүрүм белгисиз үлгүдөгү тапанча сактап жүргөндүгү боюнча дагы ыкчам маалымат түшкөн. Өзгөн РИИБдин тергөө кызматы тарабынан ок атуучу куралды алуу иштерин жүргүзүү жөнүндө токтомунун негизинде жаш өспүрүм Н.Инин апасы М.Снын катышуусунда бир даана  МР 371 номурлуу тапанча жана 90 даана ок-дарылар алынды.

Сотко чейинки өндүрүш иши боюнча алынган ок атуучу куралга соттук-баллистикалык экспертизага токтом дайындалып, сотко чейинки иштер боюнча тиешелүү тергөө кызуу улантылууда.

Алишер ТОКСОНБАЕВ “АЙМАК”