1,911 Бардыгы /

ОШ. Оштук ишкер Жалил Атамбаев үй камагына чыгарылды. Бул тууралуу УКМКдан кабарлашты.

Белгилей кетчү жагдай: бизнесмен Жалил Атамбаев мамлекеттик кызматта турганда мыйзамсыз баюу фактысы боюнча УКМК тарабынан 3-мартта кармалган эле. Учурда тергөө иши кызуу улантылууда. УКМКнын тараткан малыматка ылайык, республиканын ички иштер органдарынын кызматкери болуп эсептелген Жалил Атамбаевдин мыйзамсыз ишкердик менен алектенип, жалпы суммасы 100 миллион сомдон ашуун кыймылсыз мүлккө ээ болуп, аны жакын туугандарынын атына каттаткандыгы аныкталды.

Ал эми Жалил Атамбаев жана анын жактоочулары тергөө менен кызматташууга жана белгиленген зыяндын ордун мамлекеттин бюджетине төлөп берүүгө даяр экендигин билдиришти. Учурда Атамбаев келтирилген зыяндын ордун толтуруу үчүн УКМКнын депозиттик эсебине 50,5 миллион сом салды. Калган 50 миллион сомду ушул жылдын март айынын аягына чейин төлөп берүүгө милдеттендирилди.

Алишер ТОКСОНБАЕВ “АЙМАК”