1,566 Бардыгы /

ЖАЛАЛ-АБАД. Ала-Бука чек ара отрядынын чек арачылары Кыргызстандын жаранынын малын ээлерине кайтарып беришти. Бул жөнүндө УКМКнын Чек ара кызматынын коомчулук жана ЖМКлар менен байланыш бөлүмүнөн маалымдашты.

Маалыматка караганда, Жалал-Абад облусунун Ала-Бука районуна караштуу Жаңы-Шаар айылынын жашоочусу И.М. талаага жаюу учурунда Өзбекстандын аймагына өтүп кеткен майда жандык малын кайтарып берүүгө жардам берүү өтүнүчү менен чек арачыларга кайрылган. Ошентип, Кыргызстан менен Өзбекстандын чек ара өкүлдөрү ыкчам сүйлөшүүлөрдү жүргүзүп, мунун натыйжасында 65 жаш жандык мал Кыргызстандын жаранына кайтарылды. Малдын ээси менен түшүндүрүү иштери жүргүзүлүп, ага мамлекеттик чек арага жакын жерде малды талаага жаюунун эрежеси тууралуу талаптар катуу айтылды.

УКМКнын Чек ара кызматы мамлекеттик чек арада ушул сыяктуу көйгөйлөр жаралган учурда улуттук мыйзамдын алкагында чечүү үчүн УКМКнын Чек ара кызматынын жакынкы бөлумдөрүнө кайрылууну жарандарга дагы бир ирет эскертет.

Алишер ТОКСОНБАЕВ “АЙМАК”