1,122 Бардыгы /

  БИШКЕК. Үстүбүздөгү жылдын январь жана февраль айларында Кыргызстан 5 миллиард 457 миллион сом карызынан кутулду. Бул туурасында Экономика жана каржы министрлигинен билдиришти.

Маалыматка караганда, төлөнгөн каражаттын 3 миллиард 49 миллион сому тышкы карызды жана 2 миллиард 408 миллион сому ички карызды жабууга жумшалды. Ошондой эле аталган министрлик 31-январга карата мамлекеттик карыздын суммасы 4 миллиард 954 миллион долларга жеткендигин дагы жашырган жок. Мунун ичинен 85,2 пайызы, же 4 миллиард 221 миллион доллары тышкы карыз, ал эми 14,8 пайызы, же 732 миллион доллары ички карыз болуп эсептелет.

Мындан тышкары  өлкө бюджетине январь-февраль айларында мамлекеттик баалуу кагаздарды чыгаруудан 4 миллиард 520 миллион сом түшкөндүгү дагы белгиленди.

Алишер ТОКСОНБАЕВ “АЙМАК”