963 Бардыгы /

ЖАЛАЛ-АБАД. Үстүбүздөгү жылдын 19-мартында К.Ш. Токтомаматов атындагы Эл аралык университетке (ЭАУ, Жалал-Абад ш.) Россия Федерациясынын Санкт-Петербург шаарындагы Чет тилдер институтунун (ЧТИ) ректору, филология илимдеринин доктору, профессор, бир катар россиялык жана чет мамлекеттик жогорку окуу жайлардын ардактуу профессору Марина Владимировна Пименова келип, ЭАУнун ишмердиги менен таанышты.

Муну менен бирге, ЭАУнун жана ЧТИнин ортосунда кызматташтык тууралуу келишимге кол койду, о.э. “Мектепте жана жогорку окуу жайда гуманитардык сабактарды окутуу усулуяты” курсу боюнча бир катар лекцияларды окуду. ЭАУнун Окумуштуулар кеңеши филол.и.д., проф. М.В. Пименовага илимге, Кыргызстан жана Россия ортосунда кызматташтыкка кошкон жеке зор салымы үчүнК.Ш. Токтомаматов атындагы Эл аралык университеттин Ардактуу профессору окумуштуулук наамын ыйгарды. Аталган лекциялар курсуна ЭАУнун профессор-окутуучулар курамы менен бирге Жалал-Абад мамлекеттик университетинин, Медициналык-социалдык илимий-изилдөө институтунун профессор-окутуучулар курамы жана бир катар билим берүү мекемелеринин кызматкерлери катышышты. ЭАУ жана ЧТИ жамааттарына илим-билим жаатында кызматташууда албан-албан ийгиликтерди каалайбыз!

ЭАУнун Кесиптик билим берүү жана коомчулук менен байланыштар кызматы, ЭАУнун Эл аралык байланыштар бөлүмү