1,299 Бардыгы /

Жалал-Абад шаарында коммуналдык чарба кызматкерлеринин күнү белгиленди. Тазалык, жашылдандыруу жанакөрктөндүрүү чарбасы, суу канал башкармалыгы, коммуналдык чарба жана көрктөндүрүү департаменти, шаардык жол башкармалыгынын кызматкерлерине майрамдык сый уюштурулду.

Шаардагы ресторандардын биринде өткөрүлгөн майрамдык кечеде мэр Эрнисбек Ормоков бул тармакта эмгектенгендерди куттуктады. Калаа башчы коммуналдык кызматкерлердин таң эртеден баштап түн бир оокумга чейин тынымы жок эмгектенип шаардын көрктүү, кооз, ыңгайлуу, таза болушуна кошуп жаткан салымын белгиледи. Ормоков ар бир кызматкердин эмгегин жакындан биле турганын айтып, мындагылар элге эң керектүү кызмат көрсөтүп жаткандарына токтолду.

Иш-чарада майрамдык дасторкон жайылып, алдыңкы кызматкерлерге Ардак грамоталар, айымдарга атайын даярдалган белектерберилди. Аны менен бирге Тазалык ишканасына таштанды ташуу үчүн жаңы унаанын ачкычы тапшырылды.

Эскерте кетсек Жалал-Абад шаарындагы коммуналдык тармакта жалпы 400дөн ашуун адам эмгектенет. Алардын басымдуусу улгайган адамдар.

“АЙМАК”