966 Бардыгы /

ТАШКЕН. Кыргыз Республикасынын Премьер-министри Улукбек Марипов Өзбекстандын Жизак районунун Манас айылын байырлашкан Кыргыз диаспорасынын өкүлдөрү менен Ташкент шаарында жолугушту.

Адегенде Кыргыз Өкмөтүнүн башчысы Улукбек Марипов  Өзбекстанда жашап жатышкан кандаштарына Кыргыз элинин маданиятын жана салт-санаасын аяр сактап келаткандыгы үчүн терең ыраазычылыгын билдирди.

• Мен биздин жолугушуубузга жана Кыргыз Президентинин атынан

салам жолдоо мүмкүнчүлүгү үчүн терең кубанычтамын! Тилекке каршы, программанын жыштыгына байланыштуу бизМанас айылына бара албай калды. Ошол эле учурда Сиздердин аман-эсендигиңиздерден жана бакубат жашооңуздардан кабар алып сүйүнүп турабыз. Этностук кыргыздар жашаган айылды өнүктүрүүгө жана көрктөндүрүүгө чоң көңүл буруп жаткан Өзбекстандын жетекчилигине ыраазычылык билдиргим келет! – Кыргыз Өкмөтүнүн башчысы Улукбек Марипов.

Өзбекстандын Жизак районунун Манас айылында жашап жатышкан Кыргыз диаспорасынын өкүлдөрү белгилешкендей, ушул тапта Өзбекстанда 300 миңден ашуун этностук кыргыздар жашашат.

• Борбордон абдан ыраак жайгашкан Манас айылы өткөн кылымдын

60-жылдары гана пайда болгон. Бүгүнкү күндө мында 6,5 миңден ашуун адам жашайт. Биз жеке жолугушуу жана кеңири маектешүү мүмкүнчүлүгүнө ыраазыбыз! Бизде баары жетиштүү, биз үчүн бардык шарттар түзүлгөн. Жалпысынан Өзбекстан Республикасында 55 жалпы билим берүүчү Кыргыз мектеби бар, анын 14ү толук кыргыз тилдүү мектептер болуп саналат. Мамлекет башчынын Өзбекстан Республикасына сапарынын жыйынтыгына ылайык Мамлекеттер аралык чек араны делимитациялоо жана демаркациялоону жыйынтыктоо боюнча сүйлөшүүлөр активдештирилет деп ишенебиз! – деди Өзбекстандын Жизак районунун Манас айылында жашап жатышкан Кыргыз диаспорасынын өкүлү Рахматулла Жаббанов.

Андан ары Кыргыз Республикасынын Премьер-министри Улукбек Марипов Кыргыз диаспорасынын сунуш-пикирлерин дыкаат тыңдап, аларды түйшөлткөн бир катар суроолорго дагы жооп кайтарды.

Ошентип, атайын жолугушуунун жүрүшүндө белгиленгендей, Өзбекстандын Кыргыз Республикасындагы маданият күндөрү алкагында Өзбекстандын Жизак облусунун Манас айылынын “Маржан” көркөм ыр-бий ансамбли тарыхый Мекенине – Кыргыз Республикасына сапарлап келмекчи.

Алишер ТОКСОНБАЕВ “АЙМАК”